Дэлхий даяар компаниуд “дижитал шилжилт” хийж удирдлага, хүний нөөц, стратеги төлөвлөгөө, маркетинг, борлуулалт зэрэг бүхий л талбаруудаа цахим эрин рүү шилжүүлж байна. Энэ үед компаниуд өрсөлдөх чадварыг хадгалахын тулд дижитал чадавхи (digital competence), ур чадвар (digital skills)-уудыг эзэмшсэн хүний нөөцийг бүрдүүлэх шаардлага үүсч байна.
Дэлхийн нийтийн хандлага, мэдлэг мэдээллээс хуваалцах “Digital Business Conference” энэ жил “Шинэ эриний дижитал чадварууд” сэдвээр зохион байгуулагдах гэж байна. Digital Business Conference нь Монгол Улс дахь аж ахуйн нэгж, бизнесүүдийн мэдээллийн системийн хөгжлийг шинэ түвшинд хүргэхэд хувь нэмрээ оруулах зорилготой, сүүлийн үеийн технологийн шинэлэг ололтуудыг бизнест хэрхэн ашиглах арга замуудыг танилцуулдаг жил бүрийн болдог үйл ажиллагаа юм.
Тус Конференцид их сургуулийн судлаачид,
тэргүүлэх корпорациудын удирдах ажилтнууд, менежментийн консалтинг компанийн
захирлууд,МТ-ийн мэргэжилтнүүд туршлагаа хуваалцдаг.
Энэ жилийн бага хурлаар хүний нөөцийн менежментэд аналитикийг ашиглах боломж, компаниудад шаардлагатай болж буй дижитал чадварууд, дижитал эринийхэн буюу шинэ үеийн залуустай хэрхэн ажиллах арга барил зэрэг шинэлэг сэдвүүдийг хэлэлцэнэ.
Арга хэмжээ 2019 оны 6 сарын 14-ний өдөр Мэдээлэл, технологийн үндэсний паркд болно. Конференцын талаарх дэлгэрэнгүй мэдээллийг http://db-conf.com/цахим хуудас болон Фэйсбүүк дэх https://www.facebook.com/events/1367319616749251/ линкээс авна уу.
Зохион байгуулагчид: ХХМТГ, ЭмЭлСи Контент ХХК, SMS-Startup Marketing Space , МТҮП