Нийслэлийн 8 дүүрэг, Төв аймгийн 16 суманд оршин суух Улаанбаатар цахилгаан түгээх сүлжээ ТӨХК-ийн 310 мянга гаруй цахилгаан хэрэглэгч 18 мянга гаруй аж ахуйн нэгж, 292 мянган айл өрхөд зориулан цахим үйлчилгээний онлайн системийг санаачлан нэвтрүүлсэн.
Энэ систем нь хэрэглэгчдийн цаг завыг хэмнэсэн онлайн систем бөгөөд төлбөрийн мэдээллээ дэлгэрэнгүй харах, санал хүсэлт, өргөдөл гомдол илгээх, ажлын захиалга болон дуудлага өгөх дуудлагын түүхээ харах, тоолуурын мэдээлэл, бичилт харах, заалтаа илгээх, гэрээний мэдээллээ харах, шинэчлэх, сунгах, онлайнаар төлбөр хийх зэрэг өмнө нь заавал өөрийн биеэр тус компанийн салбарууд, банкаар явж оочер дугаарт зогсож цаг зав их зардаг явдлыг халсан, үйлчилгээ талаасаа ч төвлөрсөн мэдээлэл, шуурхай менежменттэй болсон зэрэг үр дүнгээ өгсөн бүтээгдэхүүн үйлчилгээ юм.
Энэ http://my.tog.mn системд бүртгүүлж пин код авсан хэрэглэгчийн тоо одоогийн байдлаар 33 мянга болсоноос 24 мянган хэрэглэгч нь цахилгааны төлбөр төлөх цэсийг ашигласан байна.
