Мэдээллийн технологи, шуудан харилцаа холбооны газраас “Монгол Улсад Дараа үеийн хөдөлгөөнт холбоо (ДҮХХ)-ны системийг нэвтрүүлэхэд баримтлах бодлогын чиглэл”-ийг тус газрын даргын 10 тоот тушаалаар 2015 оны 01 дугаар сарын 13-ны өдөр баталж Монгол Улсад хөдөлгөөнт холбооны 4, 5 дугаар үеийн системийг нэвтрүүлэх суурь бодлогын орчинг бий болгосон билээ.
Уг бодлогын чиглэлийн хүрээнд хөдөлгөөнт холбооны 4G LTE/LTE-A үйлчилгээг эрхлэх зөвшөөрлийг ХХЗХ-ны 68 дугаар тогтоолоор баталсан “Монгол Улсад Дараа үеийн хөдөлгөөнт холбооны системийг нэвтрүүлэх зохицуулалтын чиглэл” –ийн хүрээнд Мобиком корпораци ХХК, Юнител ХХК, Скайтел ХХК-д олголоо.
4G LTE үйлчилгээ нь 3G үйлчилгээнээс 5-7 дахин илүү хурдтай бөгөөд хэрэглэгчдэд бодит, өндөр хурдтай хөдөлгөөнт өргөн зурвасын интернетийг 4G үйлчилгээ дэмждэг гар утас, таблет болон зөөврийн компьютерээр авах боломжийг бүрдүүлнэ.
Өнөөгийн байдлаар Жи-Мобайл ХХК нь 4G LTE үйлчилгээ үйлчилгээг нэвтрүүлэх хүсэлтийг ХХЗХ -нд ирүүлээгүй болно. Тухайн хүсэлт ирүүлсэн тохиолдолд зохицуулах хороо нь шийдвэрлэх боломжтой гэж үзэж байна.