Монгол Улсад харилцаа холбооны салбар үүсч хөгжсөний 95 жилийн ой, “Цахилгаан холбоо, мэдээлэлжсэн нийгмийн Дэлхийн өдөр”-ийг тус тус тэмдэглэн өнгөрүүлэх ажлын хүрээнд 2016 оны 5 дугаар сарын 18-26-ны өдрүүдэд Мишээл экспо төвийн үзэсгэлэнгийн танхимд “ХЯЗГААРГҮЙ БОЛОМЖ” уриан дор зохион байгуулагдсан “ICT EXPO-2016” үзэсгэлэнгийн шилдэгүүдийг тодруулах “ICT Awards-2016” ёслолын үйл ажиллагаа амжилттай болж өнгөрлөө.
“Шилдэг технологи”-иор Юнител группын 4G-LTE, “Шилдэг үйлчилгээ”-ээр Жи-Мобайл ХХК-ийн Хөдөөгийн дэд бүтцийн үйлчилгээ, “Шилдэг санаачлага”-аар Монкабель системс ХХК-ийн царай таних систем, “Шилдэг шийдэл”-ээр Ай Ти Зон ХХК-ийн Mogul box, “Шилдэг бүтээгдэхүүн”-ээр Юнител группын Look TV, “ICT Expo 2016 үзэсгэлэнгийн шилдэг оролцогч”-оор Скайтел групп ХХК, “ICT Expo 2016 үзэсгэлэнгийн санаачлагатай оролцогч”-оор Мэдээллийн технологи-Шинжлэх ухааны парк, “Шилдгийн шилдэг”-ээр Мобиком корпораци ХХК шалгарлаа.
