Харилцаа холбоо, мэдээллийн технологийн газрын дарга Б.Чинбат тэргүүтэй удирдлагууд, Харилцаа холбооны зохицуулах хорооны дарга С.Адьяасүрэн нар ахмадын баярыг тохиолдуулан салбарынхаа өндөр настнуудыг өнгөрсөн баасан гаригт хүлээн авч, хүндэтгэл үзүүллээ. Энэ үеэр ахмадууд өөрсдийнх нь хийж бүтээсэн их үйлсийг үргэлжлүүлж буйд нь талархал илэрхийлээд, цаашдын ажил хөдөлмөрт нь өндөр амжилт хүссэн юм. Түүнчлэн салбартаа хийж бүтээвэл зохих хэд хэдэн үнэтэй санал дэвшүүлж, хийж хэрэгжүүлэх ажилд нь өөрсдийн санал бодлоо илэрхийллээ. ХХМТГ-ын дарга Б.Чинбат “Өнөөдөр хүрэлцэн ирсэн ахмадууддаа баярын мэнд дэвшүүлье. Харилцаа холбооны салбарыг хөгжүүлэхэд та бүхний үнэтэй зөвлөгөө бидэнд маш чухал. Тиймээс санал, зөвлөгөөгөө харамгүй өгнө гэдэгт итгэлтэй байна” хэмээсэн юм.