Харилцаа холбоо, мэдээллийн технологийн газрын удирдлагууд өнгөрсөн баасан гарагт харьяа болон салбарын байгууллагуудын үйл ажиллагаатай танилцлаа. Уулзалтад Харилцаа холбооны зохицуулах хороо, Үндэсний дата төв УТҮГ, Монголын цахилгаан холбоо ХК, Радио, телевизийн сүлжээ УТҮГ, Монгол шуудан ХК, Мэдээлэл холбооны сүлжээ ТӨХК-ийн удирдлагууд оролцож, хийсэн ажлууд, цаашид хийх ажлынхаа талаар болон тулгамдаж буй асуудлуудыг танилцуулж, шийдвэрлэх арга замын талаар харилцан санал солилцлоо.
