00e396ce-66e6-473c-9a52-2a174c4f2f3c

Хүний хувийн мэдээлэл хамгаалах тухай, Нийтийн мэдээллийн тухай, Цахим гарын үсгийн тухай хуулийн төслүүдийн эцсийн хэлэлцүүлгийг Байнгын хороодын хамтарсан хуралдаанаар хийлээ

[vc_row][vc_column][vc_column_text]Улсын Их Хурлын Хууль зүйн болон Инновац, цахим бодлогын байнгын хорооны өнөөдрийн (2021.11.23) хамтарсан хуралдаан 10 цаг 22 минутад 51.7 хувийн ирцтэй эхэлж, гурван асуудал хэлэлцэн шийдвэрлэлээ. Хурлын эхэнд Нийтийн мэдээллийн тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийж, Улсын Их Хурлын гишүүн, ажлын хэсгийн ахлагч Н.Учрал танилцуулав. Засгийн газраас 2021 оны тавдугаар сарын 19-ний өдөр өргөн мэдүүлсэн Нийтийн мэдээллийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг Улсын Их Хурал 2021 оны арван нэгдүгээр сарын 11-ний өдрийн нэгдсэн хуралдаанаараа хэлэлцэж, эцсийн хэлэлцүүлэгт бэлтгүүлэхээр Хууль зүйн болон Инновац, цахим бодлогын байнгын хороонд шилжүүлсэн юм. Чуулганы нэгдсэн хуралдаанаар хуулийн төслийн анхны хэлэлцүүлгийг явуулах үед хуралдаан даргалагчаас болон гишүүдээс санал гаргаагүй гэдгийг тэрбээр танилцуулгадаа дурдав. Төслийн агуулга, зарчмыг алдагдуулахгүйгээр үг хэллэг, дэс дараалал, бүтцийн шинжтэй засварыг хийж төсөлд тусгасан бөгөөд нэгдсэн хуралдааны анхны хэлэлцүүлгээр олонхын дэмжлэг авсан саналуудыг төсөлд нэмж тусган эцсийн хувилбарын төслийг бэлтгэсэн байна. Ажлын хэсгийн танилцуулга болон төслийн эцсийн хэлэлцүүлэгтэй холбогдуулан Улсын Их Хурлын гишүүн Б.Энхбаяр Төрийн болон албаны нууцын тухай хуулийг өөрчлөх шаардлагын талаар хэлж, үүнтэй холбогдуулан асуулт асууж, ажлын хэсгээс хариулт авсан. Төсөл дээр 67 төрлийн мэдээллийг нээлттэй хэмээн хуульчилж байгаа гэдгийг Н.Учрал гишүүн онцлон тайлбарлаж өгөв. Ийнхүү төслийн эцсийн хэлэлцүүлгийг явуулж дууссан бөгөөд энэ талаарх санал, дүгнэлтээ чуулганы нэгдсэн хуралдаанд танилцуулахаар болов. Дараа нь Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийж, Улсын Их Хурлын гишүүн, ажлын хэсгийн ахлагч Н.Учрал танилцуулсан. Засгийн газраас 2021 оны тавдугаар сарын 19-ний өдөр өргөн мэдүүлсэн Хүний хувийн мэдээлэл хамгаалах тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг Улсын Их Хурал 2021 оны арван нэгдүгээр 11-ний өдрийн нэгдсэн хуралдаанаараа хэлэлцэж, эцсийн хэлэлцүүлэгт бэлтгүүлэхээр Хууль зүйн болон Инновац, цахим бодлогын байнгын хороонд шилжүүлсэн. Ажлын хэсэг Монгол Улсын Их Хурлын чуулганы хуралдааны дэгийн тухай хуулийн 42 дугаар зүйлийн 42.2.1, 42.2.3-т заасны дагуу холбогдох зарчмын зөрүүтэй саналуудыг боловсруулжээ. Чуулганы нэгдсэн хуралдаанаар хуулийн төслийн анхны хэлэлцүүлгийг  явуулах үед хуралдаан даргалагчаас болон Улсын Их Хурлын гишүүдээс Улсын Их Хурлын гишүүнийг хуралдааны ирцэд бүртгүүлэх, санал хураалт явуулахад гарын хурууны хээгээр хязгаарлахгүй байх санал гаргасан тул биометрик мэдээллийг ашиглах талаар, хүний хувийн мэдээллийг задруулсан тохиолдолд хүлээлгэх хариуцлагыг чангатгах, ялын бодлогыг ялгамжтай оногдуулах зорилгоор хувь хүний нууцыг задруулсан, түүнчлэн харилцаа холбоо, цахим сүлжээг ашигласан бол зургаан сараас таван жил хүртэл хорих ялаар оногдуулдаг байх саналыг тус тус боловсруулсан гэв. Түүнчлэн хуульд өөрөөр заагаагүй бол мэдээллийн эзний хүсэлтийн дагуу мэдээллийн хуулбарыг цахим хэлбэрээр үнэ төлбөргүй өгөхөөр тусгасан байна. Төслийн агуулга, зарчмыг алдагдуулахгүйгээр үг хэллэг, дэс дараалал, бүтцийн шинжтэй засварыг хийж төсөлд тусгасан бөгөөд нэгдсэн хуралдааны анхны хэлэлцүүлгээр олонхын дэмжлэг авсан саналуудыг төсөлд нэмж тусган эцсийн хувилбарын төслийг бэлтгэсэн байна. Ажлын хэсгийн танилцуулга болон төслийн эцсийн хэлэлцүүлэгтэй холбогдуулан Улсын Их Хурлын гишүүн Б.Энхбаяр, Н.Алтанхуяг, Д.Ганбат, Б.Энх-Амгалан, Ц.Мөнх-Оргил, Т.Доржханд нар асуулт асууж, ажлын хэсгийн ахлагч болон бүрэлдэхүүнээс хариулт, тайлбар, мэдээлэл авсан юм. Үргэлжлүүлэн зарчмын зөрүүтэй саналын томьёоллуудаар нэгбүрчлэн санал хураалт явуулан шийдвэрлээд, Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийсэн талаар санал, дүгнэлтээ чуулганы нэгдсэн хуралдаанд танилцуулахаар тогтов. Байнгын хорооны хуралдааны төгсгөлд Цахим гарын үсгийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг явууллаа. Улсын Их Хурлын гишүүн, ажлын хэсгийн ахлагч Н.Учрал төслийг эцсийн хэлэлцүүлэгт бэлтгэсэн талаарх ажлын хэсгийн танилцуулгыг хийсэн юм. Цахим гарын үсгийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсэг  2021 оны арван нэгдүгээр сарын 22-ны өдөр хуралджээ. Хуулийн төслийн анхны хэлэлцүүлгийн үед дэмжигдсэн саналуудыг төсөлд нэмж тусган, төслийн эцсийн хувилбарыг бэлтгэн Ажлын хэсгийн хуралдаанаар хэлэлцээд дараах саналуудыг Байнгын хороодын хамтарсан хуралдаанаар шийдвэрлүүлэхээр танилцуулсан. Үүнд, төслийн 23 дугаар зүйлийн “23.3” дахь хэсгийг 5 дугаар зүйлд шилжүүлэн “5.3” дахь хэсэг болгох саналыг нэгдсэн хуралдаанаар анхны хэлэлцүүлгийг хийх үед хуралдаан даргалагчаас Байнгын хорооны хамтарсан хуралдаанаар дахин хэлэлцэхийг  чиглэл өгсөн юм. Мөн Цахим гарын үсгийн тухай хуулийг 2022 оны тавдугаар сарын 1-ний өдрөөс дагаж мөрдөхөөр өөрчилж, Нийтийн мэдээллийн тухай болон Хувийн мэдээлэл хамгаалах тухай хуулийн төслүүдийн дагаж мөрдөх хугацаатай уялдуулах нь зүйтэй хэмээн үзжээ. Нийтийн мэдээллийн тухай хуулийн төслийн хэлэлцүүлгийн явцад хуулийн төслийн нэр болон холбогдох зүйл, хэсэг, заалтын дугаарт өөрчлөлт орсонтой холбогдуулан Цахим гарын үсгийн тухай хуулийн төслийн 2.1 дэх хэсэг, 4.1.9, 10.2.2, 13.2.1, 15.3.3 дахь заалтад эшилсэн Нийтийн мэдээллийн тухай хуулийн нэр болон холбогдох зүйл, хэсэг, заалтыг нийцүүлэн өөрчлөх болон Цахим гарын үсгийн тухай хуулийн төсөлтэй хамт өргөн мэдүүлсэн Иргэний хуульд өөрчлөлт оруулах тухай хуулийн төслийн 1 дүгээр зүйлд хөндөгдсөн асуудал болох Иргэний хуулийн 421 дүгээр зүйл, 43 дугаар зүйлд цахим хэлбэрээр хэлцэл хийхэд “тоон гарын үсэг”-ийг хүлээн зөвшөөрөх асуудлыг “цахим гарын үсэг” болгож байгаатай холбогдуулан Иргэний хуулийн 196 дугаар зүйлд тусгагдсан цахим хэлбэрээр гэрээ хийхэд “тоон гарын үсэг”-ийг хүлээн зөвшөөрөх асуудлыг мөн адил “цахим гарын үсэг” болгон өөрчлөх нь зүйтэй гэж үзэж, холбогдох саналын томьёоллуудыг боловсуурлсан байна. Ажлын хэсгийн танилцуулга болон төслийн эцсийн хэлэлцүүлэгтэй холбогдуулан гишүүд асуулт асуух шаардлагагүй хэмээн үзсэн тул зарчмын зөрүүтэй саналын дөрвөн томьёоллоор тус бүрд нь санал хураалт явуулан шийдвэрлэлээ. Эцэст нь энэ талаарх санал, дүгнэлтээ чуулганы нэгдсэн хуралдаанд танилцуулахаар болсон гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ. [/vc_column_text][/vc_column][/vc_row]

Дэлгэрэнгүй
имонголиа01

“e-Mongolia” төслийн баг Сэлэнгэ аймагт ажиллаж байна

[vc_row][vc_column][vc_column_text]“e-Mongolia” төслийн баг Сэлэнгэ аймагт ажиллаж, тус аймгийн төрийн 15 байгууллагын 73 үйлчилгээг цахимжуулж, “e-Mongolia” системд нэгтгэлээ. Мөн тус аймгийн төрийн алба хаагчдад “e-Mongolia” системээр дамжуулан иргэдэд төрийн үйлчилгээг цахимаар хэрхэн үзүүлэх тал дээр сургалт зохион байгуулж байна. Төрийн цахим үйлчилгээний нэгдсэн систем “e-Mongolia”-д орон нутгийн төрийн байгууллагууд үйлчилгээгээ идэвхтэй нэвтрүүлж, цахимжуулж байгаа бөгөөд одоогоор Хөвсгөл, Булган, Дархан-Уул, Орхон болон Сэлэнгэ аймгууд нэгдлээ. Сэлэнгэ аймгийн иргэн, аж ахуй нэгж, байгууллагын цахимаар авах боломжтой төрийн үйлчилгээнүүд: Сэлэнгэ энерго ОНӨААТҮГ – 2 үйлчилгээ Сэлэнгэ аймгийн Байгаль орчин, аялал жуулчлалын газар – 4 үйлчилгээ Сэлэнгэ аймгийн Сүхбаатар сумын ЗДТГ – 2 үйлчилгээ Дархан, Сэлэнгийн Цахилгаан түгээх сүлжээ ХК – 3 үйлчилгээ Сэлэнгэ аймгийн Газрын харилцаа, барилга хот байгуулалтын газар – 5 үйлчилгээ Сэлэнгэ аймгийн Цагдаагийн газар – 1 үйлчилгээ Сэлэнгэ аймгийн Хүнс, хөдөө аж ахуйн газар – 2 үйлчилгээ Сэлэнгэ аймгийн Онцгой байдлын газар – 2 үйлчилгээ Сэлэнгэ аймгийн Авто тээврийн төв – 3 үйлчилгээ Сэлэнгэ аймгийн Иргэдийн төлөөлөгчдийн хурал – 1 үйлчилгээ Сэлэнгэ АЗЗА ТӨХК – 2 үйлчилгээ Сэлэнгэ цэнгэг ус ОНӨААТҮГ – 7 үйлчилгээ Сэлэнгэ аймгийн ЗДТГ – 21 үйлчилгээ Сэлэнгэ аймгийн Төрийн архив – 5 үйлчилгээ Сэлэнгэ аймгийн эрүүл мэндийн газар - 8 үйлчилгээ “e-Mongolia” системээр дамжуулан Сэлэнгэ аймгийн төрийн үйлчилгээг цахимаар авах бол та суурин компьютероосоо www.e-mongolia.mn сайтад нэвтрэн орж, ҮЙЛЧИЛГЭЭНҮҮД гэсэн цэсээс ОРОН НУТАГ гэсэн дэд цэсийг сонгож, СЭЛЭНГЭ АЙМАГ-ийг сонгож, төрийн үйлчилгээг цахимаар авах боломжтой. [/vc_column_text][/vc_column][/vc_row]

Дэлгэрэнгүй
viber_image_2021-02-24_11-46-08

“e-Mongolia 2.0” талаар та юу мэдэх вэ?

[vc_row][vc_column][vc_column_text]Төрийн цахим үйлчилгээний нэгдсэн систем “e-Mongolia” нэг жилийн ой дээрээ шинэчлэгдсэн. Нэг жилийн хугацаанд төрийн 57 байгууллагын 563 үйлчилгээг нэгтгэн, цахимжуулаад байгаа билээ. Мөн шинэчлэгдсэн “e-Mongolia” системд иргэн бүрийн баримт бичиг цахимжиж, хялбар нэвтрэх боломжтой болсон. “e-Mongolia 2.0” талаарх дэлгэрэнгүй мэдээллийг хүргэж байна. ХЯЛБАР НЭВТРЭХ БОЛОМЖ "e-Mongolia" системд бүртгэл үүсгэн, нэг удаагийн код, банкны эрх эсвэл тоон гарын үсгээр нэг удаа нэвтэрсний дараагаар гар утасны аппликейшндээ пин код үүсгэн цаашид хялбар нэвтрэх боломжтой. Харин суурин компьютероос та www.e-mongolia.mn сайт руу QR кодоор хялбар нэвтрэх боломжтой болсон. DIGITAL ID Шинэчлэгдсэн "e-Mongolia 2.0" системд иргэн бүрийн баримт бичиг цахимжиж буй. Одоогоор иргэний үнэмлэх болон жолооны үнэмлэх цахимжаад байна. Та ямар нэгэн байдлаар жолооны үнэмлэхээ мартсан тохиолдолд замын цагдаад цахим жолооны үнэмлэхээ шалгуулах боломжтой. Харин цахим иргэний үнэмлэхийн хувьд төрийн болон хувийн хэвшлийн байгууллагууд тухайн цахим иргэний үнэмлэхийг хүлээн зөвшөөрөх эсэх асуудлыг дотоод журмаараа зохицуулсан байдаг. Цахим бичиг баримттай болох түүнийг хүлээн зөвшөөрөх, баталгаажуулах механизмыг сайжруулах нь төрийн байгууллагууд, хувийн хэвшил мэдээж иргэн таны оролцоо хамгийн чухал юм. 3. ЗЭЭЛИЙН МЭДЭЭЛЛЭЭ ХЯЛБАР ХАРАХ БОЛОМЖТОЙ Арилжааны банкнаас зээл хөөцөлдөхөд нэн тэргүүнд тухайн иргэн зээлийн шалгуур хангаж байгаа эсэхийг банкнууд шалгадаг. Ингэхдээ Монголбанкны зээлийн мэдээллийн санд буй мэдээллийг харгалзан үзэж, хэдий хэмжээний зээлийг тухайн иргэнд олгох талаар шийдвэр гаргадаг юм. Тэгвэл энэхүү мэдээлэл нь иргэдэд төдийлөн ил тод бус байдаг бөгөөд иргэд харилцагч банкандаа хүсэлт гаргаж, тухайн үйлчилгээг төлбөртэй авах эсвэл зээл хөөцөлдөх үедээ энэхүү мэдээлэлтэй танилцдаг. Тэгвэл зээлийн мэдээллээ “e-Mongolia”-с үнэ төлбөргүй харах боломжтой болсон. Тодруулбал, шинэчлэгдсэн “e-Mongolia” системийн хамгийн том давуу тал нь иргэд цахим бичиг баримттай болсон явдал юм.  Өөрөөр хэлбэл, иргэн системд өөрийгөө таниулан нэвтэрснээр төрд буй өөрийн нэр дээрх мэдээллээ үнэ төлбөргүй харах боломж бүрдлээ. Ингэхдээ зээлийн мэдээллийг иргэн бүрд өөрт нь нээлттэй үнэ төлбөргүй байршуулж өгсөн байна. Гэхдээ таны зээлийн мэдээллийн санд дахь мэдээлэл зөрүүтэй, тодруулах шаардлагатай мэдээлэл байвал та зээл олгосон байгууллагынхаа төвд нь хандаж, шийдвэрлүүлэх боломжтой. 4. ҮНЭТ ЦААС, ХУВЬЦААГАА ХЯЛБАР ХАРАХ БОЛОМЖТОЙ Монгол Улсын иргэн бүрт "Эрдэнэс Тавантолгой"-н 1072 хувьцааны тодорхой хувийг эзэмшиж буй. Тэгвэл иргэн та e-Mongolia системээс өөрт хэчнээн хувьцааг буйгаа харах боломжтой болсон. 5. НИЙГМИЙН ДААТГАЛЫН ШИМТГЭЛ ТӨЛӨЛТИЙГ ХЯЛБАР ХАРАХ БОЛОМЖ Төрийн цахим үйлчилгээний нэгдсэн систем "e-Mongolia"-ийн хамгийн эрэлттэй үйлчилгээ бол нийгмийн даатгалын шимтгэл төлөлттэй холбоотой лавлагаа юм. Тус үйлчилгээг шинэчлэгдсэн системээс хялбар харах боломжтой болгож, e-Mongolia гар утасны аппликейшны профайл хэсгийн нүүр хэсэг байршууллаа. АЖИЛ БҮТЭЭХЭД ТАНЬ ТУСАЛНА Шинэчлэгдсэн "e-Mongolia" систем иргэн танд ажил бүтээхэд тань тус болох багц үйлчилгээнүүдийг санал болгож байна. Өөрөөр хэлбэл, та олон үйлчилгээ хайж, цаг алдахгүй, багц үйлчилгээнүүдийг нэг дороос сонгож, ажлаа цахимаар бүтээгээрэй. ХУУЛИЙН ЭТГЭЭД "e-Mongolia" систем шинэчлэгдэж, иргэн бүрийн баримт бичиг цахимсан. Түүнчлэн төрд буй өөрийн нэр дээрх бүртгэлтэй компаниудаа өтөвөггүйхэн харах боломжийг олгож байна. АВТОМАШИНЫ БҮРТГЭЛ Шинэчлэгдсэн "e-Mongolia" системээстөрд буй өөрийн нэр дээрх бүртгэлтэй автомашины мэдээллийг харах боломжтой ВАКЦИНЫ ТУН ШАЛГАХ  Иргэн та иргэний үнэмлэх эсвэл e-Mongolia гар утасны апп-д буй QR код уншуулан вакцины тунгаа шалгуулах боломжтой. Харин ААН байгууллагууд "e-Mongolia" системээр үйлчлүүлэгчийнхээ вакцины тунг шалгах боломжтой.     [/vc_column_text][/vc_column][/vc_row]

Дэлгэрэнгүй
ffd22ce7-6983-4f8c-99d2-c781b0c721e2

Чуулган: Кибер аюулгүй байдлын тухай хуулийн төслийн анхны хэлэлцүүлгийг хийлээ

[vc_row][vc_column][vc_column_text] УИХ-ын Баасан гарагийн /2021.11.19/ чуулганы хуралдааны төгсгөлд Засгийн газраас 2021 оны 06 дугаар сарын 30-ны өдөр өргөн мэдүүлсэн Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ. Монгол Улсын Их Хурлын чуулганы хуралдааны дэгийн тухай хуулийн 39 дүгээр зүйлийн 39.4 дэх хэсэгт заасны дагуу Аюулгүй байдал, гадаад бодлогын болон Инновац, цахим бодлогын байнгын хорооны 2021 оны 11 дүгээр сарын 17-ны өдрийн хамтарсан хуралдаанаар хуулийн төслүүдийн анхны хэлэлцүүлгийг хийсэн бөгөөд энэ талаарх Байнгын хороодын санал, дүгнэлтийг Улсын Их Хурлын гишүүн Н.Учрал танилцуулав. Тэрбээр танилцуулгадаа, хуулийн төслүүдийг Байнгын хорооны болон чуулганы нэгдсэн хуралдаанаар хэлэлцүүлэх бэлтгэл хангах үүрэг бүхий Ажлын хэсгийг Улсын Их Хурлын гишүүн Н.Учрал ахалж, гишүүдэд Н.Алтанхуяг, П.Анужин, Э.Бат-Амгалан, Т.Доржханд, Л.Мөнхбаатар, Б.Саранчимэг, Ж.Сүхбаатар, Д.Цогтбаатар нар ажилласныг онцлоод Ажлын хэсэг хуулийн төслийн талаар Үндэсний аюулгүй байдлын зөвлөлийн Ажлын алба, Монгол Улсын Ерөнхийлөгчийн Тамгын газар, харилцаа холбоо, мэдээллийн технологийн үйл ажиллагаа эрхлэгч байгууллагуудын саналыг судлан үзэж, түүнчлэн Монгол Улсын Засгийн газрын бүтэц, бүрэлдэхүүний тухай хуульд нэмэлт, өөрчлөлт оруулах тухай болон холбогдох бусад хуульд нийцүүлэн агуулга, бүтэц, нэр томьёо, хэл найруулгын шинжтэй зарчмын зөрүүтэй 38 санал, найруулгын шинжтэй 2 санал боловсруулсныг дурдав.  Олон улсын жишгийн дагуу онц чухал мэдээллийн дэд бүтэцтэй төрийн өмчит хуулийн этгээд болон төрийн мэдээллийн нэгдсэн сүлжээнд холбогдсон байгууллагад чиглэсэн кибер халдлага, зөрчлийг илрүүлэх, таслан зогсоох, хариу арга хэмжээ авах, түүнд өртсөн дэд бүтэц, мэдээллийн системийг нөхөн сэргээхэд мэргэжил, арга зүйн туслалцаа, дэмжлэг үзүүлэх, улсын хэмжээнд кибер халдлага зөрчилтэй тэмцэх төвүүдийн үйл ажиллагааг уялдуулан зохицуулах, Монгол Улсыг төлөөлөн олон улсын ижил төстэй байгууллагатай хамтран ажиллах чиг үүрэг бүхий Үндэсний төвийг тагнуулын байгууллагын бүтцэд, Иргэн, хуулийн этгээдийн мэдээллийн систем, мэдээллийн сүлжээнд чиглэсэн кибер халдлага, зөрчлийг илрүүлэх, таслан зогсоох, хариу арга хэмжээ авах, кибер халдлага, зөрчилд өртсөн мэдээллийн системийг нөхөн сэргээхэд дэмжлэг үзүүлэх, кибер халдлага, зөрчлийн талаар судалгаа, дүн шинжилгээ хийх, олон нийтэд зөвлөмж, мэдээлэл түгээх чиг үүрэг бүхий Нийтийн төвийг цахим хөгжил, харилцаа холбооны асуудал эрхэлсэн төрийн захиргааны төв байгууллагын дэргэд, Тайван цагт батлан хамгаалах үйл ажиллагааны кибер аюулгүй байдал, зэвсэгт хүчний мэдээллийн систем, мэдээллийн сүлжээний аюулгүй байдлыг хангаж, шаадрлагатай үед улсын кибер орон зайн аюулгүй байдлыг хангах үйл ажиллагаанд дэмжлэг үзүүлэх, кибер аюулгүй байдлын үйл ажиллагаатай холбогдсон хууль тогтоомжийн хэрэгжилтийг батлан хамгаалах салбарт зохион байгуулах чиг үүрэг бүхий Зэвсэгт хүчний төвийг зэвсэгт хүчний кибер командлалын бүтцэд, Үндэсний аюулгүй байдлын зөвлөлийн ажлын албанаас гаргасан саналыг үндэслэн, кибер аюулгүй байдлыг хангах үйл ажиллагааг нэгдсэн удирдлагаар хангах, уялдуулан зохицуулах, хэрэгжилтийг зохион байгуулах, мэдээлэл солилцох чиг үүрэг бүхий Үндэсний зөвлөлийг Ерөнхий сайд тэргүүлж, дэд даргаар цахим хөгжил, харилцаа холбооны асуудал эрхэлсэн Засгийн газрын гишүүн, Тагнуулын ерөнхий газрын дарга нар ажиллахаар төсөлд тусгасныг Улсын Их Хурлын гишүүн Н.Учрал танилцуулгадаа дурдав.  [/vc_column_text][/vc_column][/vc_row]

Дэлгэрэнгүй
em

“Төрийн үйлчилгээ цахимжиж, боловсронгуй болоход чиглэсэн маш чухал ажил байна”

[vc_row][vc_column][vc_column_text]“e-Mongolia” иргэд, олон нийтэд заавар, зөвлөгөө өгөх төвөө Төв шуудангийн нэг давхрын танхимд нээгээд даруй хагас жил болжээ. Энэ хугацаанд өдөрт 100 гаруй хүн тус төвөөр үйлчлүүлж, “e-Mongolia”-с хэрхэн төрийн үйлчилгээг цахимаар авах талаар заавар, зөвлөгөө авч байна. Тэдний дийлэнх нь ахмад настнууд байдаг ажээ. Тус төвд иргэдэд заавар, зөвлөгөө, үйлчилгээ үзүүлэх гурван оператор ажиллаж байгаагаас гадна, 10 орчим дуудлагын операторууд  “e-Mongolia”-тай холбоотой дуудлагад хариулт өгч ажиллаж байна. Өөрөөр хэлбэл, иргэн танд e-Mongolia холбоотой асууж, тодруулах зүйл байвал 11-11 дугаарт холбогдож, 1 гэсэн товчийг дарж, e-Mongolia-ийн операторуудтай холбогдох боломжтой юм. Тус төв нь долоо хоногийн бүх өдрүүдэд буюу Даваа гарагаас Ням гарагт хүртэл 08.30-17.30 хүртэл ажиллаж байна. Иргэн та амралтын өдөр ч байсан тус төвд хандаж, төрийн 600 орчим үйлчилгээг авахын зэрэгцээ, заавар зөвлөгөө, мэдээлэл авах боломжтой. Иргэн: Төв шуудан иргэдэд заавар, зөвлөгөө өгөх “e-Mongolia” төв нээгдсэн, төрийн үйлчилгээг нэг дороос авах боломжтой гэж сонсоод өнөөдөр анх удаа үйлчлүүлж байна. Бид гар утас, компьютер гээд технологитой харилцахад хүндрэлтэй байдайг Тиймээс хотынхоо төвөөс төрийн үйлчилгээгээ авчихна гэдэг бол маш сайхан санагдаж байна. Мөн “e-Mongolia” систем рүү хэрхэн нэвтрэх талаар заавар авлаа.   Иргэн: Өнөөдөр би “e-Mongolia” төв дээр ирээд нийгмийн даатгалын шимтгэл төлсөн баримт авахын зэрэгцээ гар утсан дээрээ “e-Mongolia” aппликейшныг суулгаж, хэрхэн ашиглах талаар заавар, зөвлөгөө авлаа. Манай улс цахим үйлчилгээг ингэж идэвхтэй нэвтрүүлж байгаа нь ганц ахмад настнууд бус бүхэлдээ төрийн бүх ажил үйлчилгээ боловсронгуй болох хамгийн  чухал ажил хийгдэж байна гэж бодож байна. Дэлхийн том эдийн засагтай улс орнууд цахим үйлчилгээ сайн нэвтрүүлж эхэлсний хүчинд төрийн хүнд суртал, хээл хахуул зэрэг асуудал нь буурсан байдаг.Тиймээс энэ үйлчилгээг улам сайжруулах хэрэгтэй. Энэ ажлыг ахмад настнууд бид дэмжиж, баярлаж явдаг. Иргэн: e-Mongolia төвөөс нийгмийн даатгалын шимтгэл төлөлтийн тодорхойлолтыг авлаа. 2006 оноос хойших тодорхойлолтоо цахимаар шууд авах боломжтой болсон нь маш зөв ажил болсон мэт санагдаж байна. Харин 2006 оноос өмнөх нийгмийн даатгалын төлөлтийн тодорхойлолтыг хэрхэн цахимаар авах талаар лавлах гэж өнөөдөр “e-Mongolia” төвийг зорьж ирлээ. Харамсалтай нь, 2006 оноос өмнөх нийгмийн даатгалын шимтгэлийн төлөлт цахимжаагүй байгаа юм байна. Энэ төрлийн лавлагааг харьяа дүүргийнхээ нийгмийн даатгалын төвөөс тодруулах хэрэгтэй гэдэг зөвлөгөөг өглөө. Иргэд бид чинь энэ төрлийн лавлагаа, тодорхойлолтыг хаанаас авахаа мэдэхгүй, хаана хандахаа мэдэхгүй үед ийм сайхан заавар, зөвлөгөө өгөх төвтэй болсонд баяртай байна. Хэрвээ бүх үйлчилгээ цахимжчихвал иргэд бидэнд явдал чирэгдэл болохгүй, маш амар санагдлаа. e-Mongolia төвийн оператор О.Уранцэцэг: иргэд 11-11 дуудлагын төвтэй холбогдож, 1 гэсэн товчийг дарахад e-Mongolia-ийн операторуудтай холбогдож, заавар, зөвлөгөө авах боломжтой. Өнөөдрийн байдлаар бид 60,000 гаруй дуудлагын хүлээн авч, шийдвэрлэсэн. Иргэд ихэвчлэн e-Mongolia-д нэвтрэхтэй холбоотой тодруулаг маш их авдаг. Сүүлийн үед эмнэлгийн магадалгааг хэрхэн авах талаар заавар зөвлөгөө авч байна. Иргэдэд анхааруулж хэлэхэд, 16 нас хүрээгүй хүүхдүүд “e-Mongolia” системд бүртгүүлэх боломжгүй тул харьяа дүүрэг, өрхийнхөө эмнэлэгтээ хандаж, эмнэлгийн магадалгаа, вакцины гэрчилгээгээ авна.   [gallery size="medium" columns="2" ids="61358,61361,61355,61354"] Дашрамд мэдээлэхэд, e-Mongolia системд өнөөдрийн байдлаар төрийн 56 байгууллагын 600 орчим үйлчилгээ нэгтгэгдээд байгаа бөгөөд өнөөдрийн байдлаар 2 сая орчим иргэн давхардсан тоогоор 5.8 сая гаруй төрийн үйлчилгээг цахимаар авчээ. Мөн Монгол улсын иргэн төрийн үйлчилгээ авахдаа үйлчилгээ үзүүлэгч байгууллага руу ирж, буцах унааны зардал, хугацаанаас үүдэлтэй зардал (хөдөлмөрийн хөлсний доод хэмжээгээр), төрийн үйлчилгээ авахад шаардагдах баримт бичиг бүрдүүлэх зардал зэрэгт нийт 52,8 тэрбум төгрөг хэмнээд байна.[/vc_column_text][/vc_column][/vc_row]

Дэлгэрэнгүй
67112a11-9a06-45c3-907a-4bab703b8548

Кибер аюулгүй байдлын тухай хуулийн төслийн анхны хэлэлцүүлгийг хийв

[vc_row][vc_column][vc_column_text]УИХ-ын Аюулгүй байдал, гадаад бодлогын байнгын хороо болон Инновац, цахим бодлогын байнгын хорооны 2021 оны 11 дүгээр сарын 17-ны өдрийн хамтарсан хуралдаанаараа  Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүд-ийн анхны хэлэлцүүлгийг хийлээ. Хуралдааныг Улсын Их Хурлын гишүүн Н.Энхболд даргалав. Хамтарсан хуралдаанд хуулийн төслийг хэлэлцүүлэгт бэлтгэх үүрэг бүхий ажлын хэсгийн ахлагч, Улсын Их Хурлын гишүүн Н.Учрал хуулийн төслийн талаар танилцууллаа. Тус хуулийн төслийг хэлэлцэх эсэхийг Аюулгүй байдал, гадаад бодлогын байнгын хороо 2021.07.01-ний өдрийн хуралдаанаараа хэлэлцээд, хуулийн төслийг үзэл баримтлал болон холбогдох бусад хуульд нэмэлт, өөрчлөлт орууах тухай хуулийн төслүүдийг үзэл баримтлалын хүрээнд хэлэлцэхийг гишүүдийн олонх дэмжиж, чуулганы нэгдсэн хуралдаанаар хэлэлцүүлжээ. Кибер аюулгүй байдлын тухай хуулийн төслийг дагалдуулан Зөрчлийн тухай хуульд нэмэлт оруулах тухай, Харилцаа холбооны тухай хуульд нэмэлт, өөрчлөлт оруулах тухай, Эрүүгийн хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцэж буй юм. Манай улсын хувьд өнөөдрийн байдлаар мэдээлэл, мэдээллийн сан, цахим мэдээллийн системтэй холбоотой эрх зүйн зохицуулалтыг 154 хуулиар зохицуулж буй боловч аюулгүй байдлыг хангах үйл ажиллагаа нэгдсэн зохицуулалтгүй учир кибер аюулгүй байдлыг хангах тогтолцоог бүрдүүлэх, аюул заналыг илрүүлэх, урьдчилан сэргийлэх, онц чухал мэдээллийн дэд бүтцийг хамгаалах хуулийн зохицуулалт зайлшгүй шаардлагатай гэж үзжээ. Хуулийн төслийн зорилт нь кибер аюулгүй байдлыг хангах үйл ажиллагааны зарчим, эрх зүйн үндсийг тогтоох, кибер орон зайн орчин дахь мэдээллийн бүрэн бүтэн, хүртээмжтэй, нууцлагдсан байдлыг хангахтай холбогдсон харилцааг зохицуулахад чиглэгдсэн байна. Хэлэлцэж буй асуудлаар Улсын Их Хурлын гишүүн Х.Баделхан, Б.Саранчимэг, Б.Энх-Амгалан нар ажлын хэсгийн ахлагчаас болон хууль санаачлагчаас асуулт асууж, хариулт авлаа. Гишүүдийн асуултад ажлын хэсгийн ахлагч, Улсын Их Хурлын гишүүн Н.Учрал болон холбогдох байгууллагын удирдлагууд хариулт өгөв. Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүдийг зүйл бүрээр нь хэлэлцэж, ажлын хэсгээс бэлтгэсэн болон хуралдааны үеэр гишүүдийн гаргасан зарчмын зөрүүтэй саналын томьёолол тус бүрээр санал хураалт явуулж, шийдвэрлэв. Ингээд Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүд-ийн анхны хэлэлцүүлгийг Аюулгүй байдал, гадаад бодлогын байнгын хороо болон Инновац, цахим бодлогын байнгын хорооны хамтарсан хуралдаанаар явуулсан талаарх санал, дүгнэлтийг чуулганы нэгдсэн хуралдаанд танилцуулахаар шийдвэрлэв гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв. [/vc_column_text][/vc_column][/vc_row]

Дэлгэрэнгүй
ОРХОН АЙМАГ

Орхон аймаг “e-Mongolia”-д нэгдлээ

[vc_row][vc_column][vc_column_text]“e-Mongolia” төслийн баг Орхон аймагт ажиллаж, тус аймгийн төрийн 12 байгууллагын 74 үйлчилгээ тус, тус цахимжуулж, “e-Mongolia”-д нэгтгэлээ. Мөн Орхон аймгийн төрийн алба хаагчидад өнөөдрөөс эхлэн “e-Mongolia” системээр дамжуулан иргэдэд төрийн үйлчилгээг цахимаар хэрхэн үзүүлэх тал дээр сургалт зохион байгуулах юм. Төрийн цахим үйлчилгээний нэгдсэн систем “e-Mongolia” – д орон нутгийн төрийн байгууллагууд үйлчилгээгээ идэвхтэй нэвтрүүлж байгаа бөгөөд одоогоор Хөвсгөл, Булган, Дархан-Уул, Орхон аймгууд үйлчилгээгээ нэвтрүүлээд байна. “e-Mongolia системд өнөөдрийн байдлаар төрийн 55 байгууллагын 600 гаруй үйлчилгээ цахимжиж, нэгтгэгдээд байгаа бөгөөд Монгол Улсын 2 сая орчим иргэн тус системд ашиглаж, давхардсан тоогоор 5.6 сая төрийн үйлчилгээг цахимаар авч, ойролцоогоор 46 тэрбум төгрөгийг хэмнэсэн байна. “e-Mongolia”-д нэгтгэгдсэн Орхон аймгийн 74 үйлчилгээ Орхон аймгийн Баян-Өндөр сумын ЗДТГ – 2 үйлчилгээ Тамхины худалдан борлуулах тусгай зөвшөөрөл олгох Тамхины худалдан борлуулах тусгай зөвшөөрөл сунгах Орхон аймгийн Онцгой байдлын газар - 2 үйлчилгээ Барилга байгууламжийн зураг төсөлд хяналт хийсэн дүгнэлт Галын аюулгүй байдлын дүгнэлт Эрдэнэт дулааны цахилгаан станц ТӨХК - 2 үйлчилгээ Дулааны тоолуурын техникийн нөхцөл Шинэ хэрэглэгчдэд дулааны техникийн нөхцөл олгох, сунгах Орхон аймгийн Төрийн архив – 9 үйлчилгээ Акт дүгнэлтийн лавлагаа олгох /Барилгын зураг/ Ерөнхий боловсролын сургуулийн Улсын шалгалтын нэгдсэн дүнгийн хуулбар Захирамжлалын баримт бичгийн лавлагаа /захирамж, тогтоол, тушаал, шийдвэр/ Малын А данс олгох Нотариатын баримтын хуулбар Хөдөлмөр эрхлэлтийн лавлагаа Цагаатгалын лавлагаа олгох Цалингийн тодорхойлолт Өмч хувьчлалтай холбогдох баримтын лавлагаа Орхон аймгийн цагдаагийн газар – 1 үйлчилгээ Хяналтын камерын тодорхойлолт гаргах Орхон аймгийн Авто тээврийн төв – 5 үйлчилгээ Авто тээврийн хэрэгслийг улсын бүртгэлээс хасуулах Авто тээврийн хэрэгслийн гэрчилгээ нөхөн олгох хүсэлт хүлээн авах Авто тээврийн хэрэгслийн гэрчилгээ солих үйлчилгээ Аймаг сумын төвийн доторх хатуу хучилттай авто замын хөдөлгөөнд оролцох түр зөвшөөрөл С Аймаг сумын төвийн доторх хатуу хучилттай авто замын хөдөлгөөнд оролцох түр зөвшөөрөл CE Орхон аймаг дахь Хотын захирагчийн ажлын алба - 1 үйлчилгээ Инженерийн шугам сүлжээний ажил шинээр хийх, зөөх, шилжүүлэх ажлын хүрээнд авто зам сэтлэх, сүвлэх зөвшөөрлийн хүсэлт хүлээн авах Орхон аймгийн Байгаль орчин, аялал жуулчлалын газар – 4 үйлчилгээ Байгаль орчны нөлөөллийн ерөнхий үнэлгээ Ус ашиглуулах дүгнэлт гаргуулах хүсэлт хүлээн авах Цооног өрөмдөх, худаг гаргах зөвшөөрөл Зочид буудлын үйл ажиллагаа эрхлэх зөвшөөрөл шинээр авах Орхон аймгийн Газрын харилцаа, барилгаа хот байгуулалтын газар – 4 үйлчилгээ Барилгаа, байгууламжийг хот байгуулалтын мэдээллийн санд бүртгэх, хаяг дугаар олгох Гүйцэтгэлийн байр зүйн зургийг хот байгуулалтын мэдээллийн санд бүртгүүлэх Инженерийн шугам сүлжээний зурган мэдээллээр үйлчлэх Тэг тэнхлэгийн акт болон тоон мэдээллийг хот байгуулалтын мэдээллийн санд бүртгүүлэх Орхон аймгийн Хүнс, хөдөө аж ахуйн газар -3 үйлчилгээ Арьс ширний урамшуулал материал хүлээн авах Малчны өрхийн тамга авах хүсэлт Ноосны урамшуулал материал хүлээн авах Орхон аймгийн Эрдэнэт ус, ДТС ОНӨХК – 18 үйлчилгээ Дулааны шугамын холбох цэг өөрчлөх зөвшөөрөл олгох Цахилгаан шугамын холбох цэг өөрчлөх зөвшөөрөл олгох Цэвэр бохир усны шугамын холбох цэг өөрчлөх зөвшөөрөл олгох Гэр хорооллын шугамаас дулааны техникийн нөхцөл олгох Гэр хорооллын шугамаас цахилгааны техникийн нөхцөл олгох Гэр хорооллын шугамаас цэвэр, бохир усны техникийн нөхцөл олгох Дулааны шугамын тодруулга хийх Техникийн нөхцөл сунгах /дулаан/ Техникийн нөхцөл сунгах / цахилгаан/ Техникийн нөхцөл сунгах / цэвэр, бохир ус/ Хуучин барилгад дулааны техникийн нөхцөл олгох Хуучин барилгад цахилгаан техникийн нөхцөл олгох Хуучин барилгад цэвэр, бохир усны техникийн нөхцөл олгох Цахилгаан шугамын тодруулга хийх Цэвэр, бохир усны шугамын тодруулга хийх Шинэ баригдах барилгад дулааны техникийн нөхцөл олгох Шинэ баригдах барилгад цахилгаан техникийн нөхцөл олгох Шинэ баригдах барилгад цэвэр, бохир усны техникийн нөхцөл олгох Орхон аймгийн Эрүүл мэндийн газар – 4 үйлчилгээ Ахуйн хортон шавж, мэрэгч устгал, ариутгалын үйл ажиллагаа эрхлэх тусгай зөвшөөрлийн хугацаа сунгах Сувиллын чиглэлээр мэргэжлийн үйл ажиллагаа эрхлэх тусгай зөвшөөрлийн хугацаа сунгах Эмийн сангийн чиглэлээр мэргэжлийн үйл ажиллагаа эрхлэх тусгай зөвшөөрлийн хугацаа сунгах Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрлийн хугацаа сунгах Орхон аймгийн ЗДТГ – 11 үйлчилгээ ЕБС болон сургуулийн өмнөх боловсролын сургалт эрхлэх тусгай зөвшөөрөл сунгах ЕБС болон сургуулийн өмнөх боловсролын сургалт эрхлэх тусгай зөвшөөрөл шинээр авах Спиртийн сул агууламжтай согтууруулах ундаа худалдах зөвшөөрөл сунгуулах Спиртийн сул агууламжтай согтууруулах ундаа худалдах зөвшөөрөл шинээр олгох Спиртийн сул агууламжтай согтууруулах ундаагаар үйлчлэх тусгай зөвшөөрөл сунгуулах Спиртийн сул агууламжтай согтууруулах ундаагаар үйлчлэх тусгай зөвшөөрөл шинээр олгох Спиртийн өндөр агууламжтай согтууруулах ундаа худалдах зөвшөөрөл сунгуулах Спиртийн өндөр агууламжтай согтууруулах ундаа худалдах зөвшөөрөл шинээр олгох Спиртийн өндөр агууламжтай согтууруулах ундаагаар үйлчлэх тусгай зөвшөөрөл сунгах Спиртийн өндөр агууламжтай согтууруулах ундаагаар үйлчлэх тусгай зөвшөөрөл шинээр олгох Спиртийн өндөр болон сул агууламжтай согтууруулах ундааг худалдах, түүгээр үйлчлэх тусгай зөвшөөрлийг хүчингүй болгох [/vc_column_text][/vc_column][/vc_row]

Дэлгэрэнгүй
магадлагаа

Эмнэлгийн магадалгааг цахимаар авах заавар

[vc_row][vc_column][vc_column_text]Коронавируст халдвараар өвчлөөд эдгэсэн иргэд эмнэлгийн магадалгааг “e-Mongolia” системээс цахимаар авах боломжтой болсон. Энэ ч үүднээс төв шууданд байрлах “e-Mongolia” төвд иргэд маш ихээр хандаж, эмнэлгийн магадалгааг гар утаснаасаа хэрхэн авах заавар, зөвлөгөөг авч байна. Иймээс эмнэлгийн магадалгааг цахимаар хэрхэн авах зааврыг хүргэж байна. Хэрвээ та эмнэлгийн магадалгааг гар утаснаасаа авах бол: Та "e-Mongolia" гар утасны апп руугаа пин код ашиглан нэвтэрнэ. Хэрвээ та e-Mongolia-д бүртгэлгүй бол эхний ээлжид системд бүртгүүлэн, нэг удаагийн код эсвэл интернет банкны эрхээр нэвтэрч, пин кодоо үүсгэнэ. Ингэснээр та цаашид "e-Mongolia" руу хялбар нэвтрэх боломжтой. "e-Mongolia" апп руу нэвтрэн орсны дараагаар та ҮЙЛЧИЛГЭЭ гэсэн цэсийг сонгоно. ҮЙЛЧИЛГЭЭ гэсэн цэсийг сонгосны дараа АНГИЛАЛ гэсэн дэд цэс рүү орж, ЭРҮҮЛ МЭНД гэсэн цэсийг сонгоно. ЭРҮҮЛ МЭНД гэсэн цэс дээр дармагц ЭМНЭЛГИЙН МАГАДЛАГАА гэсэн үйлчилгээг сонгоно. Анхааруулахад, 16 нас хүрээгүй хүүхдүүд "e-Mongolia" системд бүртгүүлэх боломжгүй тул харьяа дүүрэг, өрхийн эмнэлэгтээ хандаж, эмнэлгийн магадлагаа, вакцины гэрчилгээгээ авна Харин суурин компьютероос эмнэлгийн магадалгааг авах бол: e-mongolia.mn сайт руу нэвтрэн орох Үйлчилгээ гэсэн цэсийг сонгоно Эрүүл мэндийн гэсэн дэд цэсийг сонгож, Эмнэлгийн магадалгаагаа цахимаар авах боломжтой. [/vc_column_text][/vc_column][/vc_row]

Дэлгэрэнгүй
төрсний бүртгэл01

Монгол Улс шинээр мэндэлсэн хоёр иргэнээ цахимаар бүртгэлээ

[vc_row][vc_column][vc_column_text]Монгол Улс шинээр мэндэлсэн хоёр иргэнээ “e-Mongolia” -р дамжуулан цахимаар бүртгэлээ. Тодруулбал, Амгалан амаржих газарт мэндэлсэн иргэн Э болон М нарын гурав дахь хүүхдийн төрсний бүртгэл болон Өргөө амаржих газарт мэндэлсэн иргэн Н болон Х нарын гурав дахь хүүхдийн төрсний бүртгэлийг тус, тус “e-Mongolia”-р бүртгэлээ. Энэ талаар бид эцэг эхчүүдтэй утсаар холбогдож, сэтгэгдлийг нь авлаа. Ю.Энх-Эрдэнэ: “e-Mongolia” -д төрсний бүртгэл үйлчилгээг сонгож, анкет бөглөсний дараа Монгол Шуудангаас холбогдож, бичиг баримтыг ирж авсан. Ингээд улсын бүртгэлд хүүхдийг маань бүртгэсний дараагаар шуудангийн ажилтан төрсний гэрчилгээ болон бусад бичиг баримтыг маань e-Mongolia-д бүртгүүлсэн хаягаар хүргэж өгсөн. Шинэ хүнтэй болсон, цаг завгүй хүмүүст их хэрэгцээтэй үйлчилгээ санагдсан. Т.Хонгорзул: 3 дахь хүүхдээ “e-Mongolia” системээр бүртгүүлсэн. “e-Mongolia” өмнө нь мэддэг, олон үйлчилгээ авдаг байсан. Нэг өдөр www.e-Mongolia.mn сайт руу ороод үйлчилгээнүүдийг нь сонирхоод харж байхад "Төрсний бүртгэл"  гэсэн үйлчилгээ нэмэгдсэн байхыг хараад шинэ хүнээ цахимаар бүртгүүлсэн. Дөнгөж мэндэлсэн хүүхдээ бүртгүүлэх гэж дүүрэг дээрээ очно. Гэрлэлтээ батлуулаагүй байвал эцэг эх хоёулаа биеэр очно гээд явдал чирэгдэл ихтэй шүү дээ. Харин "e-Mongolia" -р бүртгүүлэх нь маш амар санагдлаа. "e-Mongolia"-д баярлалаа. Шинээр төрсөн хүүхдийг төрсний бүртгэлд бүртгүүлэх үйлчилгээ авах бол: Та e-mongolia.mn сайтад нэвтрэн орно Үйлчилгээнүүд цэсийг сонгоно Иргэний улсын бүртгэл гэсэн дэд цэсийг сонгоно Бүртгэл Төрсний бүртгэл гэсэн цэсийг сонгож, шинээр төрсөн хүүхдээ бүртгүүлэх хүсэлтээ илгээнэ. Энэ үед Монгол Шуудангийн ажилчид тантай холбогдож, таны бичиг баримтыг Улсын бүртгэлийн ерөнхий газарт хүргэж, бүртгэл хийгдсэний дараа төрсний гэрчилгээ болон бусад бичиг баримтыг таны хаягаар хүргэж өгнө. Одоогийн байдлаар нийт 14 иргэн шинээр мэндэлсэн хүүхдээ бүртгүүлэх хүсэлт цахимаар буюу "e-Mongolia"-р гаргаад байна Үйлчилгээ шууд авах линк: https://e-mongolia.mn/service/shineer-tursun-khuukhdiig-tursnii-burtgeld-burtguulekh-khuselt Холбоо барих утас: 1111 Заавар, зөвлөгөө биечлэн авах бол Төв шууданд байрлах e-Mongolia төвд хандаарай.[/vc_column_text][/vc_column][/vc_row]

Дэлгэрэнгүй

Showing 1-9 of 346 results